1351 പേർക്ക് കൂടി പുതുതായി രോഗം സ്ഥിരീകരിച്ചതോടെ വൈറസ് ബാധ റിപ്പോർട്ട് ചെയ്ത ആകെ കേസുകളുടെ എണ്ണം 22,753 ആയെന്ന് ആരോഗ്യമന്ത്രാലയ വക്താവ് ഡോ. മുഹമ്മദ് അബ്ദു അൽഅലി വാർത്താസമ്മേളനത്തിൽ പറഞ്ഞു. പുതിയ രോഗികളിൽ 17 ശതമാനം സൗദി പൗരന്മാരും 83 ശതമാനം വിദേശികളുമാണ്. ചികിത്സയിലുള്ള 19,428 പേരിൽ 123 ആളുകൾ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്.
കോവിഡിൽനിന്ന് മുക്തി നേടിയവരുടെ എണ്ണം സൗദി അറേബ്യയിൽ 3000 കവിഞ്ഞു. വ്യാഴാഴ്ച 210 രോഗികൾ കൂടി സുഖംപ്രാപിച്ചതോടെ ആകെ രോഗമുക്തരുടെ എണ്ണം 3163 ആയി. 24 മണിക്കൂറിനിടെ അഞ്ചുപേരാണ് മരിച്ചത്. രണ്ട് സ്വദേശികളും മൂന്ന് വിദേശികളുമാണ് മരിച്ചത്. ജിദ്ദയിൽ നാലുപേരും റിയാദിൽ ഒരാളും മരിച്ചു. ഇതോടെ മരണസംഖ്യ 162 ആയി.