ബഹ്റൈനിൽ പുതുതായി 146 പേർക്ക് കൂടി കോവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇവരിൽ 127 പേർ വിദേശ തൊഴിലാളികളാണ്. 18 പേർക്ക് സമ്പർക്കത്തിലൂടെയാണ് രോഗം പകർന്നത്. വിദേശത്തുനിന്ന് തിരിച്ചെത്തിച്ച ഒരാൾക്കും രോഗം സ്ഥിരീകരിച്ചു.
പുതുതായി 18 പേർ കൂടി സുഖം പ്രാപിച്ചതായും മന്ത്രാലയം അറിയിച്ചു. നിലവിൽ 1909 പേരാണ് ബഹ്റൈനിൽ ചികിത്സയിൽ കഴിയുന്നത്. ഇവരിൽ ഒരാൾ ഒഴികെ മറ്റുള്ളവരുടെ ആരോഗ്യ നില തൃപ്തികരമാണ്. 1762 പേരാണ് രാജ്യത്ത് ഇതുവരെ സുഖം പ്രാപിച്ചത്.
