കോവിഡിന്റെ രണ്ടാം തരംഗത്തില് രാജ്യം വിറങ്ങലിക്കുന്നു. രാജ്യത്ത് പ്രതിദിനം റിപ്പോര്ട്ട് ചെയ്യുന്ന കോവിഡ് കേസുകളുടെ എണ്ണം രണ്ടുലക്ഷത്തിലേക്ക് അടുക്കുകയാണ് . 24 മണിക്കൂറിനിടെ 1,84,372 കേസുകളാണ് രാജ്യത്ത് റിപ്പോര്ട്ട് ചെയ്തത്. തുടര്ച്ചയായി നാലാം ദിവസമാണ് രാജ്യത്ത് പ്രതിദിന രോഗികളുടെ എണ്ണം ഒന്നര ലക്ഷം മറി കടക്കുന്നത്.
ഇതോടെ രാജ്യത്തെ മൊത്തം കോവിഡ് രോഗികളുടെ എണ്ണം 1.38 കോടിയായി ഉയര്ന്നു . യു.എസ് (3.2 കോടി) കഴിഞ്ഞാല് ലോകത്തില് ഏറ്റവും കൂടുതല് കോവിഡ് ബാധിതരുള്ള രാജ്യമായി ഇന്ത്യ മാറി. ബ്രസീലാണ് ഇന്ത്യക്ക് പിന്നില് മൂന്നാമത്.കഴിഞ്ഞ 24 മണിക്കൂറിനിടെ 1027 മരണങ്ങളാണ് റിപ്പോര്ട്ട് ചെയ്തത്. ഇതോടെ മരണസംഖ്യ 1,72,085 ആയി. ആറ് മാസത്തിനിടെ ഒരുദിവസം റിപ്പോര്ട്ട് ചെയ്യുന്ന ഏറ്റവും ഉയര്ന്ന മരണ സംഖ്യയാണ്.
മഹാരാഷ്ട്രയില് 24 മണിക്കൂറിനിടെ 60000 ത്തിലധികം രോഗികളും 281 മരണങ്ങളും റിപ്പോര്ട്ട് ചെയ്തു . മഹാരാഷ്ട്രക്ക് പിന്നാലെ കേരളം, കര്ണാടക, തമിഴ്നദാട്, ആന്ധ്രപ്രദേശ് എന്നിവിടങ്ങളിലാണ് കൂടുതല് കേസുകള് റിപ്പോര്ട്ട് ചെയ്യുന്നത്.
ലക്ഷക്കണക്കിനാളുകള് ഒത്തുചേരുന്ന ഉത്തരാഖണ്ഡിലെ ഹരിദ്വാറില് നടക്കുന്ന കുംഭമേളക്കിടെ 594 കോവിഡ് കേസുകള് റിപ്പോര്ട്ട് ചെയ്തു. 2,812 പേരാണ് നഗരത്തില് ചികിത്സയില് കഴിയുന്നത്.