സൗദിയിൽ കോവിഡ് ബാധിച്ച് 24 മണിക്കൂറിനിടെ 22 പേർ മരിച്ചു. ആകെ മരണസംഖ്യ 525 ആയി ഉയർന്നു. മക്ക (4), ജിദ്ദ (13), ദമ്മാം (2), ബുറൈദ (1), തബൂക്ക് (2) എന്നിവിടങ്ങളിലാണ് മരണം. 1863 പേർ കൂടി സുഖം പ്രാപിച്ചതോടെ ആകെ രോഗമുക്തരുടെ എണ്ണം 64306 ആയി. പുതുതായി 1881 പേർക്ക് കോവിഡ് പരിശോധന ഫലം പോസിറ്റീവായി. ഇതോടെ കോവിഡ് പോസിറ്റീവായവരുടെ മൊത്തം എണ്ണം 87142 ആയി.
രാജ്യത്തെ വിവിധ ആശുപത്രികളിലായി 22312 ആളുകൾ ചികിത്സയിലുണ്ട്. 24 മണിക്കൂറിനിടെ 15854 േകാവിഡ് പരിശോധനകളാണ് നടന്നത്. ഇേതാടെ രാജ്യത്ത് ഇതുവരെ നടന്ന പരിശോധനകളുടെ എണ്ണം 838,623 ആയി. തിങ്കളാഴ്ച നാല് പേർ മരിച്ചതിനാൽ മക്കയിൽ ആകെ മരണസംഖ്യ 224 ഉം 13 പേർ മരിച്ചതിനാൽ ജിദ്ദയിൽ 165 ഉം ആയി. കോവിഡ് വ്യാപനം സംഭവിച്ച രാജ്യത്തെ ചെറുതും വലുതുമായ പട്ടണങ്ങളുടെ എണ്ണം 168 ആണ്.
