ബഹ്റൈനിൽ 253 പേർക്ക് കൂടി കോവിഡ് സ്ഥിരീകരിച്ചു. ഇവരിൽ 215 പേർ വിദേശ തൊഴിലാളികളാണ്. 29 പേർക്ക് സമ്പർക്കത്തിലൂടെയാണ് രോഗം പകർന്നത്. കഴിഞ്ഞ 24 മണിക്കൂറിനിടെ നടത്തിയ 8160 പരിശോധനകളിലാണ് ഇത്രയും രോഗികളെ കണ്ടെത്തിയതെന്ന് ആരോഗ്യ മന്ത്രാലയം അറിയിച്ചു.
നിലവിൽ 3839 പേരാണ് ചികിത്സയിൽ കഴിയുന്നത്. ഇവരിൽ ആറുപേരുടെ നില ഗുരുതരമാണ്. പുതുതായി 15 പേർ കൂടി രോഗമുക്തി നേടിയിട്ടുണ്ട്. ഇതോടെ രാജ്യത്ത് സുഖം പ്രാപിച്ചവരുടെ എണ്ണം 2220 ആയി.
