കോവിഡ് 19 മുന്കരുതലിന്റെ ഭാഗമായി വീടുകളില് കഴിഞ്ഞിരുന്ന നാലുപേരെരോഗലക്ഷണങ്ങള് കണ്ടതിനെ തുടര്ന്ന് ആശുപത്രിയില് ഐസലേഷനില് പ്രവേശിപ്പിച്ചതായി ജില്ല കളക്ടർ പി.ബി. നൂഹ് അറിയിച്ചു. വിദേശത്തു നിന്നെത്തിയവരുമായി സമ്പര്ക്കം പുലര്ത്തിയ രണ്ടുപേര്, അമേരിക്കയില് നിന്നെത്തിയ വ്യക്തി, പൂനെയില് നിന്നെത്തിയ വ്യക്തി എന്നിവരെയാണ് ഐസലേഷന് വാര്ഡിലേക്ക് മാറ്റിയത്.മൂന്നുപേരെ പത്തനംതിട്ട ജനറല് ആശുപത്രിയിലും ഒരാളെ കോഴഞ്ചേരി ജില്ലാ ആശുപത്രിയിലുമാണു പ്രവേശിപ്പിച്ചിരിക്കുന്നത്. ഇതോടെ ജില്ലയില് നിലവില് ആശുപത്രിയില് നിരീക്ഷണത്തില് കഴിയുന്നവരുടെ എണ്ണം 19 ആയി.
പത്തനംതിട്ടയിൽ വീടുകളിൽ നിരീക്ഷണത്തിൽ കഴിയുന്നവർ പുറത്തിറങ്ങിയാൽ ഇവർക്കെതിരെ നിയമ നടപടികളുമായി മുന്നോട്ടു പോകുമെന്ന് ജില്ലാ കളക്ടർ പി.ബി. നൂഹ്. ഡിസാസ്റ്റർ മാനേജ്മെന്റ് ആകട് പ്രകാരം ആളുകൾ കൂടുന്നതിനെതിരെ നിർദേശം പുറത്തിറക്കും.