ദോഹ: ഖത്തറിന്റെ മരുന്നും ഭക്ഷ്യ വസ്തുക്കളും ഉൾപ്പെടെ സഹായ ഹസ്തവുമായി 59ാമത്തെ വിമാനം ഈജിപ്തിലെ അൽ അരിഷിലെത്തി. ഒക്ടോബർ ഏഴിന് ഇസ്രായേൽ ആക്രമണം തുടങ്ങിയതിനു പിനനാലെ നിലക്കാതെ തുടരുന്ന സഹായങ്ങളുടെ ഭാഗമായാണ് 37 ടൺ മാനുഷിക സഹായ വസ്തുക്കളും വഹിച്ചുള്ള വിമാനം വെള്ളിയാഴ്ച അൽ അരിഷ് വിമാനത്താവളത്തിലെത്തിയത്.
ഖത്തർ ഫണ്ട് ഫോർ ഡെവലപ്മെന്റിന്റെ നേതൃത്വത്തിൽ അയച്ച വിമാനത്തിൽ ഭക്ഷ്യ വസ്തുക്കളും ശൈത്യകാല വസ്ത്രങ്ങളും ഉപകരണങ്ങളുമാണുള്ളത്. മൂന്നു മാസത്തിനിടെ 59 വിമാനങ്ങളിലായി 1851 ടൺ വസ്തുക്കൾ ഖത്തർ ഇതിനകമെത്തിച്ചു