യുഎഇയിൽ 6,500 സ്ത്രീകൾ ഗർഭാവസ്ഥയുടെ വിവിധ ഘട്ടങ്ങളിൽ ഇന്ത്യയിലേക്ക് മടങ്ങാനുള്ള താൽപര്യം രജിസ്റ്റർ ചെയ്തിട്ടുണ്ടെന്ന് റിപ്പോർട്ട്. ലോകമെമ്പാടുമുള്ള 9,000 ത്തോളം ഗർഭിണികൾ കേരള സർക്കാരിന്റെ ഔദ്യോഗിക പോർട്ടലായ പ്രവാസി കേരലൈറ്റ് അഫയേഴ്സിൽ (നോർക) രജിസ്റ്റർ ചെയ്തതിൽ ഭൂരിഭാഗവും യു.എ.ഇയിൽ നിന്നുമാണ്. മെഡിക്കൽ ഇൻഷുറൻസിന്റെ അഭാവവും യു.എ.ഇ യിൽ കുഞ്ഞുങ്ങൾ ജനിക്കുന്നതിനുള്ള സാമ്പത്തിക കഴിവില്ലായ്മയും ചൂണ്ടിക്കാട്ടി യു.എ.ഇ യിലെ സ്ത്രീകളും അവരുടെ കുടുംബങ്ങളും അടിയന്തര യാത്രയ്ക്കായി പരിഗണിക്കണമെന്ന് നയതന്ത്ര ദൗത്യങ്ങളോട് അഭ്യർത്ഥിച്ചിരുന്നു.
ഇന്നത്തെ ആദ്യ വിമാനത്തിൽ സ്വദേശത്തേക്ക് മടങ്ങുന്നത് ഏകദേശം 11 ഗർഭിണികൾ ആണ്. ഓരോ അടിയന്തര കേസുകളും കണക്കിലെടുക്കുകയും സോഷ്യൽ മീഡിയ പ്ലാറ്റ്‌ഫോമുകളിൽ കുടുംബങ്ങൾ നടത്തുന്ന അപ്പീലുകൾ പരിശോധിക്കുകയും ചെയ്യുന്നുണ്ടെന്നും കോൺസുലേറ്റ് അധികൃതർ അറിയിച്ചു. ലോകമെമ്പാടുമുള്ള ഒറ്റപ്പെട്ട ലക്ഷക്കണക്കിന് ഇന്ത്യൻ പൗരന്മാരെ തിരിച്ചയക്കാനുള്ള മഹത്തായ അഭ്യാസമായ ‘വന്ദേ ഭാരത് മിഷൻ’ ആണ് ഇന്ന് ഇന്ത്യ ആരംഭിക്കുന്നത്. യു.എ.ഇ യിലെ ഏകദേശം 200,000 ഇന്ത്യക്കാർ നാട്ടിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിക്കുന്ന വെബ് പോർട്ടലിൽ രജിസ്റ്റർ ചെയ്തിട്ടുണ്ട്.
