ഇന്ന് ഒമാനിൽ 930 പേർക്ക് കൂടി കോവിഡ് സ്ഥിരീകരിച്ചു. ഇതിൽ 691 പേരും പ്രവാസികളാണ്. ഇതോടെ രാജ്യത്തെ മൊത്തം കോവിഡ് രോഗ ബാധിതരുടെ എണ്ണം 16016 ആയി.
ഇന്ന് പുതുതായി ആരും മരണപ്പെടുകയോ ആർക്കും രോഗം ഭേദമാവുകയോ ചെയ്തിട്ടില്ല. 72 പേരാണ് ഇതുവരെ മരണപ്പെട്ടത്. രോഗം ഭേദമായവരുടെ എണ്ണം 3451 ആണ്. 12493 പേരാണ് നിലവിൽ അസുഖബാധിതരായിട്ടുള്ളത്.
പുതിയ രോഗികളിൽ 757 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതരുടെ എണ്ണം 12195 ആയി. 1958 പേർക്കാണ് ഇവിടെ അസുഖം ഭേദമായത്. 3128 പേരുടെ രോഗ പരിശോധനാ ഫലമാണ് ശനിയാഴ്ച പ്രസിദ്ധീകരിച്ചത്.