വേനല് കടുത്തതിന്റെ പശ്ചാത്തലത്തില് യുഎഇയില് ചൂട് കുറയ്ക്കാനുള്ള പുതിയ മാര്ഗങ്ങള് തേടി അധികൃതര്. താപനില ഉയര്ന്നതോടെ ചൂട് നിയന്ത്രിക്കാന് കൃത്രിമ മഴ എന്ന ആശയം പ്രാവര്ത്തികമാക്കുകയാണ് എമിറേറ്റ്. ജൂണില് താപനില 51.8 ഡിഗ്രി സെല്ഷ്യസിലെത്തിയതോടെയാണ് ചൂട് കുറയ്ക്കാനുള്ള കൃത്രിമ മാര്ഗങ്ങള് എത്രയും വേഗം നടപ്പിലാക്കാന് രാജ്യം ഒരുങ്ങിയത്.
ഡ്രോണുകളുടെ സഹായത്തോടെ ലേസര് രശ്മികള് പുറപ്പെടുവിച്ച് അതുവഴി കൃത്രിമമായി മഴ പെയ്യിക്കുന്ന നൂതന രീതിയാണ് ദുബൈ അവലംബിച്ചിരിക്കുന്നത്.ക്രമാതീതമായി ഉയരുന്ന ചൂട് നിയന്ത്രിക്കുന്നതിനായി ദേശീയ കാലാവസ്ഥാ കേന്ദ്രമാണ് ലേസര് രശ്മികള് ഉപയോഗിച്ച് മഴ പെയ്യിക്കുന്ന രീതി രാജ്യത്ത് അവതരിപ്പിച്ചത്. ക്ലൗഡ് സീഡിങ് എന്ന ശാസ്ത്രീയ രീതി വഴി കൃത്രിമ മഴ പെയ്യിക്കുന്ന മാര്ഗം വളരെക്കാലം മുമ്ബേ വിവിധ രാജ്യങ്ങള് പല വിധത്തില് പ്രായോഗികമാക്കിയിട്ടുണ്ട്. സില്വര് അയോഡൈഡ് പോലെയുള്ള രാസവസ്തുക്കള് മേഘങ്ങളിലേക്ക് പുറപ്പെടുവിപ്പിച്ച് മഴ പെയ്യിക്കുന്ന രീതിയാണ് ക്ലൗഡ് സീഡിങ്.