എ.സി മിലാന് സ്ട്രൈക്കര് സ്ലാട്ടന് ഇബ്രാഹാമോവിച്ചിന് കോവിഡ്. ക്ലബ് അധികൃതരാണ് താരത്തിന് കോവിഡ് സ്ഥിരീകരിച്ച വിവരം അറിയിച്ചത്. യുറോപ്പ ലീഗില് ബോഡോ/ഗ്ലിമിറ്റിനെതിരായ മല്സരം നടക്കാനിരിക്കെയാണ് താരത്തിന് കോവിഡ് സ്ഥിരീകരിച്ച വിവരം ക്ലബ് അറിയിച്ചത്.
താരം വീട്ടുനിരീക്ഷണത്തില് തുടരുകയാണെന്നും മറ്റ് കളിക്കാരുടെ ഫലം നെഗറ്റീവാണെന്നും ക്ലബ് വ്യക്തമാക്കി. ഒരു വര്ഷത്തെ കരാറില് എ.സി മിലാനിലെത്തിയ സ്ലാട്ടന് ഇബ്രാഹാമോവിച്ച് ഒരു വര്ഷം കൂടി ക്ലബില് തുടരുകയായിരുന്നു.
തിങ്കളാഴ്ച ബോലോഗനക്കെതിരായ മല്സരത്തില് സ്വീഡിഷ് സ്ട്രൈക്കര് എ.സി മിലാനായി രണ്ട് ഗോള് നേടിയിരുന്നു. 35ാം മിനിട്ടിലായിരുന്നു ആദ്യ ഗോള്. രണ്ടാം പകുതിയില് പെനാല്റ്റിയിലൂടെയായിരുന്നു രണ്ടാം ഗോള്.