കൊച്ചി: കോവിഡ്- 19 പ്രതിരോധ പ്രവര്ത്തനങ്ങള്ക്ക് ആവശ്യം വന്നാല് കത്തോലിക്ക സഭയുടെ കീഴിലുള്ള ആശുപത്രികള് വിട്ടുനല്കാമെന്ന് കെസിബിസി പ്രസിഡണ്ട് കര്ദിനാള് മാര് ജോര്ജ് ആലഞ്ചേരി. മുഖ്യമന്ത്രി പിണറായി വിജയനെ ഫോണില് വിളിച്ച് അദ്ദേഹം ഇക്കാര്യം അറിയിച്ചു. സഭയുടെ പിന്തുണയ്ക്ക് നന്ദി രേഖപ്പെടുത്തിയ മുഖ്യമന്ത്രി തുടര് പ്രവര്ത്തനങ്ങളില് അവരെ ഉപയോഗിക്കാമെന്നും അറിയിച്ചു.
പ്രതിരോധ പ്രവര്ത്തനങ്ങളുടെ ഭാഗമായി സര്ക്കാര് നടത്തുന്ന എല്ലാ പ്രവര്ത്തനങ്ങള്ക്കും സഭയുടെ പിന്തുണ ഉണ്ടാകുമെന്നും മാര് ജോര്ജ് ആലഞ്ചേരി മുഖ്യമന്ത്രിയെ അറിയിച്ചു.
ആശുപത്രികളിലെ ഡോക്ടര്മാര്, നഴ്സുമാര് ഉള്പ്പെടെയുള്ള ആരോഗ്യ പ്രവര്ത്തകരുടെ സേവനം വിട്ടുനല്കാനുള്ള സന്നദ്ധതയും അറിയിച്ചിട്ടുണ്ട്.