ന്യൂഡല്ഹി: കോവിഡ് 19 രോഗബാധയുടെ പശ്ചാത്തലത്തില് രാജ്യത്ത് സാമ്ബത്തിക അടിയന്തരാവസ്ഥ പ്രഖ്യാപിക്കില്ലെന്നു കേന്ദ്ര ധനമന്ത്രി നിര്മല സീതാരാമന്. സാമ്ബത്തിക ഇളവുകള് പ്രഖ്യാപിച്ച ശേഷം മാധ്യമങ്ങളോടാണ് ധനമന്ത്രി ഇക്കാര്യം വ്യക്തമാക്കിയത്.
”പ്രത്യേക സാമ്ബത്തിക പാക്കേജ് ഉടന് പ്രഖ്യാപിക്കും.
എട്ടു മേഖലകളിലാണു സാന്പത്തിക പാക്കേജ് പ്രഖ്യാപിക്കുക. ഇതിനായുള്ള നടപടികള് തുടര്ന്നുവരികയാണ്. രാജ്യത്തു സാമ്ബത്തിക അടിയന്തരാവസ്ഥയില്ല. അതുകൊണ്ട് ഇക്കാര്യം ഔദ്യോഗികമായി പ്രഖ്യാപിക്കേണ്ടതില്ലെന്നും ധനമന്ത്രി വ്യക്തമാക്കി.
എന്നാല് രാജ്യത്ത് കോവിഡ് കേസുകള് വര്ധിക്കുന്ന സാഹചര്യത്തില് പ്രധാനമന്ത്രി നരേന്ദ്ര മോദി ചൊവ്വാഴ്ച വൈകുന്നേരം വീണ്ടും രാജ്യത്തെ അഭിസംബോധന ചെയ്യുന്നുണ്ട്. കൂടുതല് നിയന്ത്രണങ്ങള് ഉള്പ്പടെയുള്ള പ്രഖ്യാപനങ്ങള് പ്രധാനമന്ത്രി നടത്തുമെന്നാണ് നിഗമനം .