ചൈനീസ് കോണ്സലേറ്റിനുള്ളില് യുഎസ് നിയമവകുപ്പ് ഉദ്യോഗസ്ഥര് അനധികൃതമായി കടന്നുകയറുകയായിരുന്നുവെന്ന് ചൈനീസ് വിദേശകാര്യമന്ത്രാലയം. കോണ്സലേറ്റ് ജനറല് ഓഫീസില് ബലം പ്രയോഗിച്ച് കടന്നുകയറിയ നടപടിയില് ശക്തമായി എതിര്പ്പ് അറിയിക്കുകയാണെന്ന് വിദേശകാര്യമന്ത്രാലയം പത്രക്കുറിപ്പില് പറഞ്ഞു. പ്രശ്നത്തില് ചൈന അനുയോജ്യമായ മറുപടി നല്കും.
ഹൂസ്റ്റണിലെ കോണ്സലേറ്റ് ഓഫീസ് ചൈനയുടെ ഉടമസ്ഥതയിലുള്ളതാണെന്നും നയതന്ത്ര കരാര് അനുസരിച്ച് യുഎസ് ഉദ്യോഗസ്ഥര്ക്ക് കടക്കാന് അവകാശമില്ലെന്നും ഉദ്യോഗസ്ഥര് വിശദീകരിക്കുകയും ചെയ്തു. വ്യാപാരം, സാങ്കേതിക വിദ്യ, ഹോങ്കോംഗ് പ്രശ്നം, മുസ്ലിം വിശ്വാസികള്ക്കുനേരെയുള്ള ചൈനയുടെ പീഡനം തുടങ്ങിയ വിഷയങ്ങളുടെ പേരില് യുഎസുമായുള്ള ബന്ധം തീര്ത്തും വഷളായ സാഹചര്യത്തിലാണ് ഹൂസ്റ്റണ് സംഭവം.