മഹാരാഷ്ട്രയില്‍ ഇന്ന് 9,431 പേര്‍ക്ക് കോവിഡ് 19 സ്ഥിരീകരിച്ചു. 267 മരണവും റിപ്പോര്‍ട്ട് ചെയ്തു. സംസ്ഥാനത്ത് ഒന്‍പതിനായിരത്തിന് മുകളില്‍ രോഗികള്‍ എത്തുന്ന തുടര്‍ച്ചയായ നാലാം ദിവസമാണ് ഇന്ന്. 3,75,799പേര്‍ക്കാണ് ആകെ രോഗം സ്ഥിരീകരിച്ചത്. 1,48,601പേരാണ് ഇപ്പോള്‍ ചികിത്സയിലുള്ളത്. 2,13,328പേര്‍ രോഗമുക്തരായി. 56.74 ശതമാനമാണ് സംസ്ഥാനത്തെ രോഗമുക്തി നിരക്ക്.
അതേസമയം, കോവിഡ് വ്യാപനം അതിരൂക്ഷമായ മറ്റൊരു സംസ്ഥാനമായ കര്‍ണാടകയില്‍ ഇന്ന് 5,199പേര്‍ക്കാണ് രോഗം സ്ഥിരീകരിച്ചത്. 82 മരണം റിപ്പോര്‍ട്ട് ചെയ്തു. 96,141പേര്‍ക്കാണ് ആകെ രോഗം ബാധിച്ചത്. ഇതില്‍ 58,417പേരാണ് നിലവില്‍ ചികിത്സയിലുള്ളത്. ഇതില്‍ 1,878പേര്‍ മരിച്ചു. 7,627പേരാണ് ആന്ധ്രാപ്രദേശില്‍ ഇന്ന് കോവിഡ് ബാധിതരായത്. 3,041പേരാണ് രോഗമുക്തരായത്. 96,298പേരാണ് ആകെ അസുഖ ബാധിതരായത്. 46,301 പേര്‍ രോഗമുക്തരായപ്പോള്‍, 1041പേര്‍ മരണത്തിന് കീഴടങ്ങി.
