കോവിഡ് രോഗികളുടെ എണ്ണത്തിൽ ചൈനയെ മഹാരാഷ്ട്ര മറികടന്നു. മഹാരാഷ്ട്രയിൽ കോവിഡ് മരണം 3000 കവിഞ്ഞു. മുംബൈയിലെ 61 പേരടക്കം 91 പേരാണ് ഞായറാഴ്ച മരിച്ചത്. ഇതോടെ ആകെ മരണം 3,060 ആയി. രോഗികളുടെ എണ്ണത്തിൽ കോവിഡ് പ്രഭവകേന്ദ്രമായ ചൈനയെയും മഹാരാഷ്ട്ര മറികടന്നു.
3,007 പേർക്ക് ഞായറാഴ്ച പുതുതായി രോഗം സ്ഥിരീകരിച്ചതോടെ സംസ്ഥാനത്തെ രോഗികളുടെ എണ്ണം 85,975 ആയി. ചൈനയിൽ രോഗികളുടെ എണ്ണം 83,036 ആണ്. 1,638 പേരാണ് മുംബൈയിൽ മരിച്ചത്. ഞായറാഴ്ച രോഗം സ്ഥിരീകരിച്ചതിൽ 1,420 പേർ മുംബൈയിലാണ്. 48,774 ആണ് നഗരത്തിൽ ഇതുവരെയുള്ള കോവിഡ് ബാധിതർ. 21,190 പേർക്ക് നഗരത്തിൽ ഇതിനകം രോഗം മാറി.