കോവിഡ് പ്രതിരോധരംഗത്ത് കൈകോര്ക്കാന് ഇന്ത്യ- യു.എ.ഇ ധാരണ. ഇന്ത്യയിലെത്തിയ യു.എ.ഇ വിദേശകാര്യമന്ത്രി ശൈഖ് അബ്ദുല്ല ബിന് സായിദ് ആല് നഹ്യാനും ഇന്ത്യന് വിദേശകാര്യമന്ത്രി ഡോ. എസ്. ജയശങ്കറും തമ്മിലാണ് കോവിഡ് പ്രതിരോധരംഗത്ത് ഇരുരാജ്യങ്ങളും കൈകോര്ത്ത് പ്രവര്ത്തിക്കുന്നത് സംബന്ധിച്ച് ചര്ച്ച നടത്തിയത്. കോവിഡ് വാക്സിനുകള് എല്ലാ രാജ്യങ്ങള്ക്കും ലഭ്യമാക്കുന്നതിനെ കുറിച്ചും ചര്ച്ച ചെയ്തു.
കോവിഡിനെ നേരിടാന് ഇരുരാജ്യങ്ങളും തമ്മിലെ സഹകരണം കൂടുതല് ശക്തമാക്കുന്നതോടൊപ്പം എല്ലാ രാജ്യങ്ങള്ക്കും കോവിഡ് വാക്സിന് എത്തിക്കുന്നതിനും ഇന്ത്യയും യു.എ.ഇയും ഒന്നിച്ച് പ്രവര്ത്തിക്കും. യു.എ.ഇയും ഇന്ത്യയും തമ്മില് ദീര്ഘകാലമായി നിലനില്ക്കുന്ന സൗഹൃദവും സഹകരണവും കൂടുതല് മേഖലകളിലേക്ക് വ്യാപിപ്പിക്കുന്നത് സംബന്ധിച്ചും വിദേശകാര്യമന്ത്രി സംസാരിച്ചു.
ഇന്ത്യക്കാരുടെയും യു.എ.ഇ ജനതയുടെയും താല്പര്യങ്ങള് സംരക്ഷിക്കുന്നതിന് യു.എ.ഇ കൂടുതല് ശ്രദ്ധപുലര്ത്തുമെന്ന് ശൈഖ് അബ്ദുല്ല പറഞ്ഞു. ഡോ. ജയശങ്കര് ഒരുക്കിയ വിരുന്നിലും ശൈഖ് അബ്ദുല്ല പങ്കെടുത്തു. ഇന്ത്യയിലെ യു.എ.ഇ അംബാസഡര് ഡോ. അഹമ്മദ് അല് ബന്നയും കൂടിക്കാഴ്ചയില് പങ്കെടുത്തു.