കോവിഡ് വ്യാപനത്തിന്റെ പശ്ചാത്തലത്തില് അജ്മാനില് കൂടുതല് നിയന്ത്രണങ്ങള് ഏര്പ്പെടുത്തി. അജ്മാന് സാമ്ബത്തിക വികസന വകുപ്പാണ് ഇതുസംബന്ധിച്ച് പുതിയ ഉത്തരവിറക്കിയത്. സമൂഹത്തിന്റെ സുരക്ഷ ഉറപ്പുവരുത്തുന്നതിന്റെ ഭാഗമായി, വൈറസിന്റെ വ്യാപനത്തിന് കാരണമാകുന്ന ഒത്തുചേരലുകള് പരിമിതപ്പെടുത്തുക എന്ന ലക്ഷ്യത്തോടെയാണ് നടപടി.
കഫേകള്, ലഘുഭക്ഷണ ഷോപ്പുകള് (കഫ്റ്റീരിയകള്), റസ്റ്റാറന്റുകള് തുടങ്ങിയവ അര്ധരാത്രി 12 മണിക്ക് അടക്കണം. സേവന സൗകര്യങ്ങള് 50 ശതമാനം ഉപയോക്താക്കള്ക്ക് മാത്രമായി കുറക്കണം.കല്യാണം അടക്കമുള്ള കൂടിച്ചേരലുകളില് പങ്കെടുക്കുന്നവരുടെ എണ്ണം പകുതിയായി കുറക്കണമെന്നും നിര്ദേശിക്കുന്നുണ്ട്.