വാളയാര്‍ കഞ്ചിക്കോട് ഗവ. ഹൈസ്കൂളില്‍ നടത്തിയ മെഡിക്കല്‍, എന്‍ജിനീയറിങ് പ്രവേശന പരീക്ഷയില്‍ ഇന്‍വിജിലേറ്ററായിരുന്ന അധ്യാപികയ്ക് കോവിഡ് സ്ഥിരീകരിച്ചു. ഇവരുടെ മകള്‍ക്കും ഭര്‍ത്താവിനും രോഗം ബാധിച്ചിട്ടുണ്ട്. ഉറവിടം കണ്ടെത്താന്‍ ആരോഗ്യ വകുപ്പ്‌ അന്വേഷണം തുടങ്ങി. ജൂലൈ 16ന് നടന്ന പരീക്ഷയില്‍ നിരവധി വിദ്യാര്‍ഥികള്‍ പങ്കെടുത്തിരുന്നു.അധ്യാപികയുണ്ടായിരുന്ന ക്ലാസ് മുറിയില്‍ രാവിലെയും വൈകീട്ടുമായി നാല്‍പതോളം വിദ്യാര്‍ഥികള്‍ പരീക്ഷയെഴുതി. ഇവരെ നിരീക്ഷണത്തിലാക്കി.
