അസമിലും ബിഹാറിലും ജനങ്ങളുടെ ജീവിതത്തെ ബാധിച്ച് പ്രളയക്കെടുതി തുടരുന്നു. ഏകദേശം 35 ലക്ഷം പേര് പ്രളയം മൂലം ഇതുവരെ ദുരിതത്തിലായിട്ടുണ്ട്. മണ്സൂണിനിടെ ഉണ്ടാവുന്ന വെള്ളപ്പൊക്കം ബിഹാറിലും അസമിലും പുതിയ സംഭവമല്ല. എന്നാല്, ഈ വര്ഷം കനത്ത മഴ പെയ്തതോടെ വലിയ പ്രളയം തന്നെ ഉണ്ടാവുകയായിരുന്നു.വടക്കന് ബിഹാറിലാണ് പ്രളയം കനത്ത നാശം വിതച്ചത്. 132 പേര്ക്ക് ഇവിടെ ജീവന് നഷ്ടമായി. നേപ്പാളിലെ കനത്ത മഴയാണ് ബിഹാറിനെ പ്രളയജലത്തില് മുക്കിയത്. ഗാണ്ഡക് നദി ഗോപാല്ഗഞ്ചിലും കിഴക്കന് ചംപാരനിലും കരകവിഞ്ഞ് ഒഴുകി നാശം വിതച്ചു. ബിഹാറിലെ 10 ജില്ലകളിലെ ഏഴ് ലക്ഷത്തോളം പേരെയാണ് പ്രളയം ബാധിച്ചത്.