ദുബായില് ഡ്രൈവറില്ലാ വാഹനങ്ങള് നിരത്തിലിറക്കാന് ഒരുങ്ങുന്നു.’സെല്ഫ് ഡ്രൈവിങ് ട്രാന്സ്പോര്ട്ട്’ ചലഞ്ചിന്റെ ഭാഗമായാണ് ഡ്രൈവറില്ലാ വാഹനങ്ങള് അവതരിപ്പിച്ചത്. റോഡില് കൂടി സഞ്ചരിക്കുന്ന വാഹനങ്ങള്ക്ക് പുറമെ, ഡ്രോണുകളും ഇവയില്പെടുന്നു.
സാധനങ്ങളുടെ ഡെലിവറി, ചരക്ക് കൈമാറ്റം ഉള്പ്പെടെയുള്ളവ ലക്ഷ്യമിട്ടാണ് വാഹനങ്ങള് ഒരുങ്ങുന്നത്. വേഗ നിയന്ത്രണം, ആളുകളുമായുള്ള ഇടപഴകല്, എളുപ്പത്തിലുള്ള ഉപയോഗം, ഉല്പന്നത്തിന്റെ സുരക്ഷ, മനസ്സിലാക്കാനുള്ള കഴിവ് എന്നിവയാണ് ആര്.ടി.എ പരീക്ഷിച്ചത്. ചൈന, ഓസ്ട്രിയ, തായ്വാന്, റഷ്യ, യു.എസ് എന്നിവിടങ്ങളില്നിന്നുള്ള കമ്ബനികളാണ് ഫൈനലിലെത്തിയിരിക്കുന്നത്.