ദുബൈ: കഴിഞ്ഞ വർഷം യു.എ.ഇയിൽ മൊത്ത ആഭ്യന്തര ഉൽപാദനം (ജി.ഡി.പി) 3.8 ശതമാനം വർധിച്ചതായി യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം പറഞ്ഞു.
യു.എ.ഇയിലെ സമ്പദ് വ്യവസ്ഥ കുതിക്കുകയാണെന്നും മുന്നോട്ടുള്ള യാത്ര നിർത്തിയിട്ടില്ലെന്നും അദ്ദേഹം ട്വിറ്ററിൽ കുറിച്ചു. സ്റ്റാറ്റിസ്റ്റിക്സ് സെന്‍ററിന്‍റെ കണക്ക് പ്രകാരം ജി.ഡി.പിയിൽ കാര്യമായ പുരോഗതിയാണ് ഉണ്ടായിരിക്കുന്നത്.
