രാജ്യത്ത് സമൂഹ മാധ്യമങ്ങള്ക്ക് മേല് കേന്ദ്രസര്ക്കാര് ഏര്പ്പെടുത്തിയ പുതിയ ഐടി മാര്ഗനിര്ദേശങ്ങള് നടപ്പാക്കുമെന്ന് ഗൂഗിള്. ഉള്ളടക്കത്തിന്റെ കാര്യത്തില് സര്ക്കാര് നിര്ദേശങ്ങള് എക്കാലവും പാലിച്ചിട്ടുണ്ടെന്നും നിയമം അനുസരിച്ചേ പ്രവര്ത്തിക്കുകയുള്ളുവെന്നും ഗൂഗിള് വ്യക്തമാക്കി.
യുട്യൂബ് ഉള്പ്പടെയുള്ള ഗൂഗിള് സേവനങ്ങള്ക്ക് നിര്ദേശങ്ങള് ബാധകമാക്കുമെന്നും ഗൂഗിള് വൃത്തങ്ങള് കേന്ദ്ര സര്ക്കാരിനെ അറിയിച്ചു. എന്നാല് ഐടി മാര്ഗനിര്ദേശങ്ങളോട് വിയോജിച്ച് രേഖപ്പെടുത്തി വാട്ട്സ്ആപ്പ് രംഗത്തെത്തി. കേന്ദ്ര സര്ക്കാര് പരിഷ്ക്കരിച്ച നയം സ്വകാര്യതയ്ക്ക് തടസമെന്നാണ് വാട്ട്സ്ആപ്പ് ഉയര്ത്തുന്ന വാദം.
അതെ സമയം ഐടി നിയമങ്ങള്ക്ക് അനുസരിച്ച് പ്രവര്ത്തനം മെച്ചപ്പെടുത്തുമെന്നും ചില വിഷയങ്ങളില് ചര്ച്ച നടക്കുന്നതായും ഫേസ്ബുക്ക് വ്യക്തമാക്കിയിട്ടുണ്ട്. പുതിയ മാര്ഗനിര്ദേശങ്ങള് നടപ്പിലാക്കുന്നതിന് കേന്ദ്രം അനുവദിച്ച മൂന്നുമാസത്തെ സമയം ചൊവ്വാഴ്ചയാണ് അവസാനിച്ചത്.
എന്നാല് സമൂഹ മാധ്യമങ്ങളായ വാട്ട്സ്ആപ്പ്, ഫേസ്ബുക്ക്, ട്വിറ്റര്, ഇന്സ്റ്റഗ്രാം തുടങ്ങിയ മുന്നിര മാധ്യമങ്ങള് കേന്ദ്രസര്ക്കാരിന്റെ പുതിയ മാര്ഗനിര്ദേശം ഇതുവരെ നടപ്പാക്കിയിട്ടില്ല. പുതിയ നിയമം ഇന്നു പ്രാബല്യത്തില് എത്തുന്നതോടെ മാര്ഗനിര്ദേശം പാലിക്കാത്ത സമൂഹമാധ്യമങ്ങളുടെ ഭാവി സംബന്ധിച്ച് കേന്ദ്രം തീരുമാനമെടുത്തേക്കാം.