കോവിഡിന്റെ പശ്ചാത്തലത്തില് ഇക്കൊല്ലം ഹജ്ജ് തീര്ത്ഥാടകരെ അയക്കരുതെന്ന സൗദി അറേബ്യയുടെ നിര്ദേശപ്രകാരം ഇന്ത്യയിൽ നിന്ന് ഇക്കുറി ഹജ്ജ് തീർത്ഥാടകർ ഉണ്ടാവില്ല. സൗദി അറേബ്യയുടെ നിർദേശം മാനിച്ചാണ് കേന്ദ്ര സര്ക്കാര് തീരുമാനമെന്ന് കേന്ദ്ര ന്യൂനപക്ഷകാര്യ മന്ത്രി മുഖ്താര് അബ്ബാസ് നഖ്വിപറഞ്ഞു.
സഹയാത്രികന് (മെഹ്റം) ഇല്ലാതെ ഹജ്ജിനു പോകാന് അപേക്ഷിച്ച 2300 സ്ത്രീകള്ക്ക് ഇക്കൊല്ലത്തെ അപേക്ഷയുടെ അടിസ്ഥാനത്തില് 2021ല് ഹജ്ജിനു പോകാന് അവസരം നല്കുന്നെും മുഖ്താര് അബ്ബാസ് നഖ്വി വ്യക്തമാക്കി. സൗദി അറേബ്യയിലെ ഹജ്ജ്, ഉംറ മന്ത്രി ഡോ. മുഹമ്മദ് സാലെഹ് ബിന് താഹര് ബെന്റന് കേന്ദ്ര ന്യൂനപക്ഷകാര്യ മന്ത്രിയുമായി ടെലിഫോണില് സംസാരിച്ചിരുന്നു.
കൊറോണ വ്യാപനത്തിന്റെ പശ്ചാത്തലത്തില് ഈ വര്ഷം (ഹിജറ വര്ഷം 1441) ഇന്ത്യയില് നിന്ന് ഹജ്ജ് തീര്ത്ഥാടകരെ ഹജ്ജിന് അയയ്ക്കരുതെന്ന് അദ്ദേഹം നിര്ദേശിച്ചതായി ശ്രീ. നഖ്വി പറഞ്ഞു. ലോകമെമ്പാടും കൊറോണ വെല്ലുവിളി നേരിടുന്നതിനാല് ഇക്കാര്യം അംഗീകരിക്കുകയും ചെയ്തുവെന്നും അദ്ദേഹം പറഞ്ഞു.