തുടര്‍ച്ചയായ ഏഴാം ദിവസവും രാജ്യത്ത് പുതുതായി കോവിഡ് സ്ഥിരീകരിക്കുന്നവരുടെ എണ്ണം 50,000ത്തില്‍ താഴെ. 24 മണിക്കൂറിനിടെ 44,684 േപര്‍ക്കാണ് പുതുതായി കോവിഡ് സ്ഥിരീകരിച്ചത്. ഇതോടെ രാജ്യത്തെ കോവിഡ് ബാധിതരുടെ എണ്ണം 87.73 ലക്ഷം കടന്നു. ഒരു ഘട്ടത്തില്‍ പ്രതിദിനം കോവിഡ് സ്ഥിരീകരിക്കുന്നവരുടെ എണ്ണം ഒരുലക്ഷത്തിന് മുകളിലെത്തിയിരുന്നു.
വെള്ളിയാഴ്ചത്തെ കോവിഡ് കേസുകളെക്കാള്‍ 0.4 ശതമാനം കുറവാണ് കഴിഞ്ഞ 24 മണിക്കൂറില്‍ കോവിഡ് സ്ഥിരീകരിച്ചവരുടെ എണ്ണം. അതേസമയം ദീപാവലി ആഘോഷങ്ങള്‍ കഴിയുന്നതോടെ ഉത്തരേന്ത്യയില്‍ അടക്കം കോവിഡ് ബാധിതരുടെ എണ്ണം കുതിച്ചുയരുമെന്നാണ് വിലയിരുത്തല്‍. 520 മരണവും കൂടി 24 മണിക്കൂറിനിടെ റിപ്പോര്‍ട്ട് ചെയ്തതോടെ രാജ്യത്ത് കോവിഡ് ബാധിച്ച്‌ മരിച്ചവരുടെ എണ്ണം 1,29,188 ആയി. 4.8 ലക്ഷം പേരാണ് ചികിത്സയില്‍ കഴിയുന്നത്. 81.6 ലക്ഷം പേര്‍ രോഗമുക്തി നേടി.
അതേസമയം ലോകത്ത് കോവിഡ് ബാധിതര്‍ അഞ്ചുകോടി കടന്നു. യൂറോപ്യന്‍ രാജ്യങ്ങളിലും അമേരിക്കയിലും കോവിഡിെന്‍റ രണ്ടാംവരവ് സ്ഥിരീകരിച്ചതോടെ പ്രതിദിനം കോവിഡ് സ്ഥിരീകരിക്കുന്നവരുടെ എണ്ണം കുത്തനെ ഉയരുകയാണ്. കോവിഡ് ബാധിച്ച്‌ 13 ലക്ഷം പേരുടെ ജീവനാണ് ഇതുവരെ നഷ്ടപ്പെട്ടത്.
അതേസമയം ബഹുരാഷ്ട്ര കമ്ബനിയായ ഫൈസര്‍ വികസിപ്പിച്ചെടുത്ത വാക്സിന്‍ കോവിഡ് വ്യാപനത്തെ തടയുമെന്ന അവകാശവാദവുമായി ശാസ്ത്രജ്ഞര്‍ രംഗത്തെത്തിയിരുന്നു. കോവിഡിനെതിരെ വികസിപ്പിച്ചെടുത്ത വാക്സിന്‍ 90 ശതമാനത്തിലേറെ ഫലപ്രദമാണെന്ന് ഫൈസര്‍ നേരത്തെ അറിയിച്ചിരുന്നു. യു.എസ് ഫുഡ് ആന്‍ഡ് ഡ്രഗ് അഡ്മിനിസ്ട്രേഷെന്‍റ അനുമതി ലഭിച്ചാല്‍ വാക്സിന്‍ പുറത്തിറക്കാനാകും.
