ഇന്ത്യക്കെതിരായ ടെസ്റ്റ് ക്രിക്കറ്റ് പരമ്ബരയിലെ ആദ്യ മത്സരത്തിന് മുമ്ബ് ഇംഗ്ലണ്ടിന് ലഭിക്കുക മൂന്നു പരിശീലന ദിനങ്ങള് മാത്രം. ഫെബ്രുവരി അഞ്ചിന് ചെന്നൈയിലാണ് പരമ്ബരയിലെ ആദ്യ ടെസ്റ്റ് നടക്കുന്നത്.
ശ്രീലങ്കന് പര്യടനത്തിന് ശേഷമാണ് ഇംഗ്ലണ്ട് ടീം ഇന്ത്യയില് എത്തുന്നത്. ബുധനാഴ്ച ചെന്നൈയില് വന്നിറങ്ങുന്ന ഇംഗ്ലണ്ടിന് ആറു ദിവസത്തെ നിര്ബന്ധിത ക്വാറന്റൈനില് കഴിയണം. അതിനു ശേഷം മാത്രമേ പരിശീലനത്തിന് ഇറങ്ങാന് സാധിക്കൂ.
നാലു മത്സരങ്ങളടങ്ങിയ പരമ്ബരയിലെ ആദ്യ രണ്ടു മത്സരങ്ങളും ചെന്നൈയിലാണ് നടക്കുന്നത്. ശ്രീലങ്കന് പര്യടനത്തില് ഉള്പ്പെട്ടിട്ടില്ലാത്ത ബെന് സ്റ്റോക്സ്, ജോഫ്രാ ആര്ച്ചര്, റോറി ബേണ്സ് എന്നിവര് ഞായറാഴ്ച ഇന്ത്യയില് എത്തിയിരുന്നു. ഇവര്ക്ക് അഞ്ച് ദിവസം പരിശീലനത്തിനുള്ള അവസരമുണ്ട്.