ന്യൂഡല്‍ഹി: ഇന്ത്യന്‍ സൂപ്പര്‍ ലീഗ് ഫുട്ബാള്‍ ആറാം സീസണില്‍ കാഴ്ചക്കാരുടെ എണ്ണത്തില്‍ വന്‍ വര്‍ധനയെന്ന് റിപ്പോര്‍ട്ട്. ടി.വി-ഓണ്‍ലൈന്‍ പ്ലാറ്റ്ഫോമുകളിലൂടെ കളി കണ്ടവരുടെ എണ്ണം മുന്‍ സീസണുകളേക്കാള്‍ 51 ശതമാനത്തോളം വര്‍ധിച്ചു. ബ്രോഡ്കാസ്റ്റ് ഓഡിയന്‍സ് റിസേര്‍ച്ച്‌ കൗണ്‍സില്‍ ഇന്ത്യയാണ് ഇതു സംബന്ധിച്ച കണക്ക് പുറത്തുവിട്ടത്. 168 ദശലക്ഷത്തില്‍നിന്ന് 261 ദശലക്ഷത്തിലേക്കാണ് കാഴ്ചക്കാരുടെ എണ്ണം കുതിച്ചത്.
ഏറ്റവും കൂടുതല്‍ പേര്‍ കണ്ട മത്സരം കേരള ബ്ലാസ്റ്റേഴ്സും എ.ടി.കെയും തമ്മില്‍ ഒക്ടോബര്‍ 20ന് കൊച്ചിയില്‍ നടന്ന ഉദ്ഘാടന മത്സരമാണ്.
മുന്‍വര്‍ഷത്തേക്കാള്‍ ഇരട്ടിയായതായാണ് റിപ്പോര്‍ട്ട്. സ്റ്റാര്‍ സ്പോര്‍ട്സിെന്‍റയും സ്റ്റാര്‍ ഇന്ത്യയുടെയും നെറ്റ്വര്‍ക്കില്‍ ഏഴ് ഭാഷകളിലായി 11 ചാനലുകളിലാണ് കളി സംപ്രേഷണം ചെയ്തത്. ഹോട്ട്സ്റ്റാര്‍, ജിയോ ടി.വി ഡിജിറ്റല്‍ പ്ലാറ്റ്ഫോമിലും പ്രദര്‍ശിപ്പിച്ചു.
