കുവൈത്തിൽ ഇതാദ്യമായി കോവിഡ് സ്ഥിരീകരണത്തേക്കാൾ കൂടുതലായി രോഗമുക്തി നേടിയവരുടെ എണ്ണം. 164 പേർ രോഗമുക്തി നേടിയപ്പോൾ 64 ഇന്ത്യക്കാർ ഉൾപ്പെടെ 152 പേർക്ക് മാത്രമാണ് പുതുതായി വൈറസ് ബാധ സ്ഥിരീകരിച്ചത്. ഇതുവരെ 3440 പേർക്കാണ് കോവിഡ് സ്ഥിരീകരിച്ചത്.
1176 പേർ രോഗമുക്തി നേടി. 2254 പേരാണ് ചികിത്സയിലുള്ളത്. ഇതിൽ 30 പേരുടെ നില ഗുരുതരമാണ്. 61 വയസ്സുള്ള ഇന്ത്യക്കാരൻ മരിച്ചു. ഇതോടെ രാജ്യത്തെ കോവിഡ് മരണം 23 ആയി. ചൊവ്വാഴ്ച വൈറസ് സ്ഥിരീകരിച്ചവരിൽ 15 പേർ വിദേശത്തുനിന്ന് വന്നവരും 128 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്.
