കുവൈത്തിൽ ഇന്ന് രണ്ടുപേർ കൂടി കോവിഡ് ബാധിച്ച് മരിച്ചു. 55 വയസ്സുള്ള ഇന്ത്യക്കാരനും 49കാരനായ ബംഗ്ലാദേശിയുമാണ് മരിച്ചത്. ഇതോടെ രാജ്യത്തെ കോവിഡ് മരണം ഒമ്പതായി. 47 ഇന്ത്യക്കാർ ഉൾപ്പെടെ 80 പേർക്ക് കൂടി പുതുതായി കോവിഡ് സ്ഥിരീകരിച്ചു.
1995 പേർക്കാണ് ഇതുവരെ വൈറസ് സ്ഥിരീകരിച്ചത്. 367 പേർ രോഗമുക്തി നേടി. ബാക്കി 1619 പേർ ചികിത്സയിലാണ്. 39 പേരാണ് തീവ്രപരിചരണ വിഭാഗത്തിലുള്ളത്. പുതിയ കോവിഡ് ബാധിതരിൽ ആറ് കുവൈത്തികൾ, ഒരു ഇൗജിപ്ഷ്യൻ, ഒരു സിറിയക്കാരൻ എന്നിവർക്ക് വൈറസ് ബാധിച്ച വഴി കണ്ടെത്തിയിട്ടില്ല.