പൊതു ധനകാര്യ നിരീക്ഷണം വർധിപ്പിക്കുക എന്ന ലക്ഷ്യത്തോടെ അബുദാബി അക്കൗണ്ടബിലിറ്റി അതോറിറ്റിയെ നിയന്ത്രിക്കുന്ന നിയമത്തിന് അബുദാബി ഭരണാധികാരിയായ യുഎഇ പ്രസിഡൻറ് ഷെയ്ക്ക് ഖലീഫ ബിൻ സായിദ് ആൽ നഹ്‌യാൻ അംഗീകാരം നൽകി. സാമ്പത്തിക നിരീക്ഷണത്തിനും ഉത്തരവാദിത്തത്തിനും വേണ്ടിയുള്ള അക്കൗണ്ടബിലിറ്റി അതോറിറ്റി പുതിയ നിയമപ്രകാരം സർക്കാർ സ്ഥാപനങ്ങളിലെ സമഗ്രത, സുതാര്യത, ഉത്തരവാദിത്തം, ഭരണം എന്നിവ ശക്തിപ്പെടുത്തും.
അബുദാബിയുടെ സമ്പദ് വ്യവസ്ഥയിലെ സുപ്രധാന സംഭവവികാസങ്ങൾ, സർക്കാർ എക്‌സിക്യൂട്ടിവ് രീതികൾ, സംഘടനാ ഭരണം, ചട്ടങ്ങൾ എന്നിവയും ഉൾക്കൊള്ളുന്നതാണ് പുതിയ നിയമം. അതോറിറ്റിയുടെ പ്രവർത്തനങ്ങൾ പരിശീലിപ്പിക്കുന്നതിനും ലക്ഷ്യങ്ങൾ കൈവരിക്കുന്നതിനുമൊപ്പം സാമ്പത്തികവും ഭരണപരവും സ്വതന്ത്രവുമായി പ്രവർത്തിക്കുന്ന സ്ഥാപനമാണ് ഈ അതോറിറ്റിയെന്നും നിയമം വ്യക്തമാക്കുന്നു. അബുദാബി എമിറേറ്റിലുടനീളം പൊതുവിഭവങ്ങളുടെ പരമാവധി ഉപയോഗം ഉറപ്പാക്കുകയും ലക്ഷ്യമാണ്.
