ഒമാനിൽ 168 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് ബാധിതരുടെ എണ്ണം 2903 ആയി. പുതുതായി രോഗം സ്ഥിരീകരിച്ചവരിൽ 127 പേരും വിദേശികളാണ്. രോഗമുക്തി നേടിയവരുടെ എണ്ണം 858ൽ നിന്ന് 888 ആയി ഉയർന്നു. 2002 പേരാണ് ഇപ്പോൾ അസുഖബാധിതരായിട്ടുള്ളത്.
പുതിയ രോഗികളിൽ 146 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇവിടെ മൊത്തം കോവിഡ് ബാധിതർ 2104 ആയി. 565 പേർക്ക് ഇവിടെ അസുഖം സുഖപ്പെട്ടിട്ടുണ്ട്. തെക്കൻ ബാത്തിനയിലെ വൈറസ് ബാധിതരുടെ എണ്ണം 285 ആയി ഉയർന്നു. ഇവിടെ 91 പേർക്ക് സുഖപ്പെട്ടു. തെക്കൻ ശർഖിയയിലെ രോഗികൾ 132ൽനിന്ന് 134 ആയി ഉയർന്നു.