മസ്കറ്റ്: തലസ്ഥാന ഗവർണറേറ്റിൽ വിദേശികളുടെ കോവിഡ് പരിശോധനക്കായി രണ്ട് കേന്ദ്രങ്ങൾ കൂടി. ദാർസൈത്തിലെ മെഡിക്കൽ ഫിറ്റ്നെസ് സെന്ററിൽ (വിസ മെഡിക്കൽ) പരിശോധന ബുധനാഴ്ച ആരംഭിച്ചു. അൽ റുസൈൽ അൽ ഷരാദിയിലെ മെഡിക്കൽ ഫിറ്റ്നസ് സെൻററിറിൽ വ്യാഴാഴ്ചയും പരിശോധന ആരംഭിക്കും. രണ്ട് കേന്ദ്രങ്ങളും രാവിലെ ഒമ്പത് മുതൽ വൈകുന്നേരം നാലുമണി വരെ ആയിരിക്കും പ്രവർത്തിക്കുക. രണ്ടിടങ്ങളിലെയും നിലവിലുള്ള സേവനങ്ങൾ ഇനിയൊരു അറിയിപ്പ് ഉണ്ടാകുന്നത് വരെ നിർത്തി വെച്ചതായും ആരോഗ്യ വകുപ്പ് അധികൃതർ അറിയിച്ചു.