ഷാര്‍ജയില്‍ ഏഴു പുതിയ സ്വകാര്യ സ്കൂളുകള്‍ പ്രവര്‍ത്തനമാരംഭിക്കുന്നു.പ്രൈവറ്റ് എജുക്കേഷന്‍ അതോറിറ്റി (എസ്.പി.ഇ.എ) ആണ് ഇക്കാര്യം അറിയിച്ചത്.ദര്‍ബ് അല്‍ സാദ പ്രൈവറ്റ് സ്കൂള്‍, വിക്ടോറിയ ഇന്‍റര്‍നാഷനല്‍ പ്രൈവറ്റ് സ്കൂള്‍, മന്‍ഡീന അമേരിക്കന്‍ പ്രൈവറ്റ് സ്കൂള്‍, അല്‍ മദീന ഇന്‍റര്‍നാഷനല്‍ പ്രൈവറ്റ് സ്കൂള്‍, അല്‍ സിദ്ര പ്രൈവറ്റ് സ്കൂള്‍, ഗള്‍ഫ് അമേരിക്കന്‍ പ്രൈവറ്റ് സ്കൂള്‍, ചൗഇഫാത് സാബിസ് ഇന്‍റര്‍നാഷനല്‍ പ്രൈവറ്റ് സ്കൂള്‍ എന്നിവയാണ് ആരംഭിക്കുന്നത്. പുതിയ സ്കൂളുകളെ എസ്.പി.ഇ.എ ചെയര്‍പേഴ്സന്‍ ഡോ. മുഹദ്ദിത അല്‍ ഹാഷിമി സ്വാഗതം ചെയ്തു.
അതേസമയം അബുദാബിയില്‍ 455 സര്‍ക്കാര്‍ സ്കൂളുകളടക്കം ക്ലാസ് മുറികളിലേക്ക് വിദ്യാര്‍ഥികളെ സ്വാഗതം ചെയ്തു. കോവിഡ് മാനദണ്ഡം പാലിച്ച 16,383 ക്ലാസ് മുറികള്‍ സജ്ജമായിരുന്നു. 28,681 അധ്യാപകരുടെ മേല്‍നോട്ടത്തിലാണ് അബൂദബിയില്‍ ക്ലാസ് പഠനം പുരോഗമിക്കുന്നത്. അബൂദബിയില്‍ പി.സി.ആര്‍ പരിശോധനയില്‍ നെഗറ്റിവ് ആയ വിദ്യാര്‍ഥികളെ മാത്രമാണ് പ്രവേശിപ്പിച്ചത്. ആദ്യമാസം 14 ദിവസം കൂടുമ്ബോള്‍ വീണ്ടും പരിശോധന വേണം. പിന്നീട് വാക്സിന്‍ സ്വീകരിക്കാത്ത വിദ്യാര്‍ഥികള്‍ക്ക് ആഴ്ചതോറും പരിശോധനയുണ്ടാകും.
