ഷാർജ: ഈ വർഷത്തെ ഷാർജ ഹെറിറ്റേജ് ഡേയ്സിന്റെ ആദ്യ ആഴ്ചയിലെ പരിപാടികളിൽ 102,000 സന്ദർശകർ പങ്കെടുത്തതായി ഷാർജ ഇൻസ്റ്റിറ്റ്യൂട്ട് ഫോർ ഹെറിറ്റേജ് ചെയർമാനും ഷാർജ ഹെറിറ്റേജ് ഡേയ്സ് ഹയർ ഓർഗനൈസിങ് കമ്മിറ്റി ചെയർമാനുമായ ഡോ. അബ്ദുൽ അസീസ് അൽ മുസല്ലം വെളിപ്പെടുത്തി.
ഷാർജയുടെ ഹൃദയഭാഗത്ത് ഹെറിറ്റേജ് ഏരിയയിൽ നടക്കുന്ന പരിപാടിയിലേക്ക് യു.എ.ഇയിലെ എല്ലാ കോണുകളിൽ നിന്നുമുള്ള സന്ദർശകരും ലോകമെമ്പാടുമുള്ള അന്താരാഷ്ട്ര സന്ദർശകരും എത്തുന്നുണ്ട്.