ബരാക ന്യൂക്ലിയർ എനർജി പ്ലാന്റിലെ യൂണിറ്റ് 1 ന്റെ പ്രവർത്തനത്തിന്റെ തുടക്കം ‘പ്രചോദനാത്മകമായ നിമിഷം’ എന്ന് രാഷ്ട്രപതി ഹിസ് ഹൈനസ് ഷെയ്ഖ് ഖലീഫ ബിൻ സായിദ് അൽ നഹ്യാൻ വിശേഷിപ്പിച്ചു.“ഹോപ് പ്രോബ് മാർസ് മിഷൻ ആരംഭിച്ച് ഏതാനും ദിവസങ്ങൾക്ക് ശേഷം കൈവരിച്ച ഈ നേട്ടം എല്ലാ മേഖലകളിലും ശക്തമായ വിജയം നേടാൻ എമിറാത്തിനെ സഹായിച്ച് മുന്നേറുമെന്ന് അദ്ദേഹം പറഞ്ഞു. ഇതിനായി പ്രവർത്തിച്ചവരെ രാഷ്ട്രപതി അഭിനന്ദിച്ചു.
നമ്മുടെ രാജ്യത്തിന്റെ ചരിത്രപരമായ ഐക്യത്തെ അടയാളപ്പെടുത്തുന്ന സുവർണ്ണ ജൂബിലി ആഘോഷത്തോടൊപ്പമാണ് ഈ നേട്ടം ,” അദ്ദേഹം പറഞ്ഞു. “ഈ നേട്ടത്തിൽ ഞങ്ങൾ അഭിമാനിക്കുന്നു, ഞങ്ങളുടെ യുവ ശാസ്ത്രജ്ഞരുടെ കഴിവുകളിൽ ആത്മവിശ്വാസമുണ്ട്. ഇന്ന് നാം ജീവിക്കുന്ന പ്രചോദനാത്മക നിമിഷങ്ങളിലൊന്നാണ് വരും തലമുറകൾ അഭിമാനത്തോടെ ഓർമിക്കുക,” അദ്ദേഹം കൂട്ടിച്ചേർത്തു. “ശാസ്ത്രത്തിലും യുവാക്കളുടെ കഴിവുകളിലും നിക്ഷേപം നടത്തുന്നത് വിജയിക്കാനും ഭാവി കൈമാറാനുമുള്ളതുമാണെന്ന് നമ്മുടെ രാജ്യം വിശ്വസിക്കുന്നു, അദ്ദേഹം പറഞ്ഞു.
പവർ പ്ലാന്റ് പ്രവർത്തനത്തിന്റെ യൂണിറ്റ് 1 ഉപയോഗിച്ച്, സുസ്ഥിര ഊർജ്ജ ആവശ്യങ്ങൾ നിറവേറ്റുന്നതിനായി ആണവോർജ്ജം ഉപയോഗിക്കുന്ന ആദ്യത്തെ അറബ് രാജ്യമായിരിക്കും യുഎഇ. യുഎഇ ഉപരാഷ്ട്രപതിയും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ട്വീറ്റിലൂടെയാണ് ഈ നേട്ടം പ്രഖ്യാപിച്ചത്.
