കൊറോണ വൈറസിൽ നിന്ന് കരകയറുമ്പോഴേക്കും ഭീഷണിയായി ചുഴലിക്കാറ്റ്. കിഴക്കൻ ഫിലിപ്പൈൻസിൽ വ്യാഴാഴ്ചയോടു കൂടി ടൈഫൂൺ വോങ്ഫോംഗ് കരയിലെത്തും. മണിക്കൂറിൽ 212 കിലോമീറ്റർ വേഗതയിലുള്ള ഈ കാറ്റ് കാറ്റഗറി 4 സ്റ്റാറ്റസിലെത്തുമെന്ന് ഹവായ് ആസ്ഥാനമായുള്ള ജോയിന്റ് ടൈഫൂൺ മുന്നറിയിപ്പ് കേന്ദ്രം പറയുന്നു.
അടുത്ത 24 മണിക്കൂറിനുള്ളിൽ കൂടുതൽ തീവ്രത ഉണ്ടാകുമെന്നും പ്രവചിക്കപ്പെടുന്നു. ഇത് ഒരു സൂപ്പർ ചുഴലിക്കാറ്റായി മാറുമെന്നും, രാഷ്ട്രത്തെ ബാധിച്ചിരിക്കുന്ന മഹാമാരിയുടെ പ്രത്യാഘാതങ്ങളെ വർദ്ധിപ്പിക്കുമെന്നും കിഴക്കൻ വിസയാസ്, കാറ്റാൻഡുവാനസ്, ആൽബെ, സോർസോഗോൺ, മാസ്ബേറ്റ് എന്നിവിടങ്ങളിൽ വെള്ളപ്പൊക്കവും മണ്ണിടിച്ചിലും ഉണ്ടാകുമെന്നും ഫിലിപ്പൈൻ അന്തരീക്ഷ, ജിയോഫിസിക്കൽ, ജ്യോതിശാസ്ത്ര സേവന അഡ്മിനിസ്ട്രേഷൻ (പഗാസ) ബുധനാഴ്ച മുന്നറിയിപ്പ് നൽകി