കോവിഡ് വ്യാപനത്തെ പ്രതിരോധിക്കുന്നതിനുള്ള രാജ്യവ്യാപക ലോക്ഡൗൺ ഒമാനിൽ നിലവില്‍ വന്നു. ശനിയാഴ്ച രാത്രി ഏഴുമണിയോടെ സുല്‍ത്താന്‍ സായുധസേനയും റോയല്‍ ഒമാന്‍ പൊലീസും ചേര്‍ന്ന് രാജ്യത്തെ മുഴുവന്‍ ഗവര്‍ണറേറ്റുകളും അടച്ചു. എല്ലാ ഗവര്‍ണറേറ്റുകളുടെയും അതിര്‍ത്തികളിലെയും പ്രവേശന കവാടങ്ങളിലെയും ചെക്ക്പോയന്‍റുകള്‍ പ്രവര്‍ത്തനക്ഷമമായതായി പ്രതിരോധ മന്ത്രാലയം പത്രക്കുറിപ്പില്‍ അറിയിച്ചു. ആഗസ്റ്റ് എട്ട് ശനിയാഴ്ച വരെ രാത്രി ഏഴു മുതല്‍ പുലര്‍ച്ചെ ആറുവരെ പൂര്‍ണമായ സഞ്ചാര വിലക്കും പ്രാബല്യത്തിലുണ്ടാകും.
