അമേരിക്ക- കാനഡ അതിര്ത്തി തുറക്കുന്ന വിഷയത്തില് ഇരു രാജ്യങ്ങളുടെയും ഭരണത്തലവന്മാര്ക്ക് ഭിന്നാഭിപ്രായം. അതിര്ത്തി തുറക്കണമെന്നാണ് ആഗ്രഹമെന്നും അത് തന്നെയാണ് കനേഡിയന് അഭിപ്രായമെന്നും പ്രസിഡന്റ് ഡോണള്ഡ് ട്രംപ് വ്യക്തമാക്കിയിരുന്നു.
എന്നാല്, അതിര്ത്തി തുറക്കല് ഇപ്പോള് വേണ്ടെന്ന നിലപാടാണ് കനേഡിയന് പ്രധാനമന്ത്രി ജസ്റ്റിന് ട്രുഡോ പങ്കുവച്ചത്. മുന്നിശ്ചയിച്ചതനുസരിച്ചാണെങ്കില് ഈ മാസം 21ന് അതിര്ത്തി തുറക്കണം എന്നാണ്. അമേരിക്ക ദിനം പ്രതി കോവിഡ് കണക്കുകള് വര്ധിക്കുന്ന സാഹചര്യത്തില് അതിര്ത്തി ഇപ്പോള് തുറക്കാനാകില്ലെന്ന ട്രുഡോ വ്യക്തമാക്കി.