അബുദാബി: യുഎഇ യിൽ ഇന്ന് 626 പേർക്ക് കൂടി രോഗം സ്ഥിരീകരിച്ചു. രാജ്യത്ത് മൊത്തം രോഗബാധിതരുടെ എണ്ണം ഇതോടെ 38,268 ആയി. ഇന്ന് ഒരാൾ മരണപ്പെട്ടു. രാജ്യത്തെ കോവിഡ് മരണസംഖ്യ ഇതോടെ 275 ആയി. അതേ സമയം ഇന്ന് 724 പേർക്ക് രോഗം പൂർണമായും ഭേദമായി. രാജ്യത്ത് രോഗമുക്തി നേടിയവരുടെ എണ്ണം ഇതോടെ 21,061 ആയി.
കോവിഡ് വ്യാപനം മൂലം നിയന്ത്രണം തുടരുന്നതിനിടെ ദുബൈ പൊലീസ് നടത്തിയത് 9,326 വെർച്വൽ മീറ്റിങ്ങുകൾ. 3,118 മണിക്കൂർ പിന്നിട്ട ദേശീയ അണുനശീകരണ യജ്ഞത്തിനിടെയാണിതെന്ന് പൊലീസ് ഉന്നത ഉദ്യോഗസ്ഥൻ പറഞ്ഞു.
മാർച്ച് അവസാനം മുതൽ ജൂൺ ഒന്നു വരെ വെർച്വൽ മീറ്റിങ്ങുകൾ നടന്നതായി ദുബൈ പൊലീസിലെ ആർട്ടിഫിഷ്യൽ ഇൻറലിജൻസ് (എ.ഐ) ഡയറക്ടർ ബ്രിഗേഡിയർ ഖാലിദ് നാസർ അൽ റസൂഖി പറഞ്ഞു.
ലോകത്തിലെ ഏറ്റവും സമഗ്രമായ ടെസ്റ്റിംഗ്, ട്രേസിംഗ് ഭരണകൂടമായി മാറിയ യുഎഇ രാജ്യത്തെ 9 മില്യൺ ജനങ്ങളെ കോവിഡ് ടെസ്റ്റ് ചെയ്യാനൊരുങ്ങുന്നു. ഇതുവരെ 2 ദശലക്ഷം ആളുകളെ ടെസ്റ്റ് ചെയ്തു. ഇനി മുഴുവൻ പൗരന്മാരെയും താമസക്കാരെയും ടെസ്റ്റ് ഉദ്ദേശിക്കുന്നുവെന്ന് വാം വെള്ളിയാഴ്ച ഇറക്കിയ റിപ്പോർട്ടിൽ വെളിപ്പെടുത്തി.
