ന്യൂയോർക്ക്: ലോകത്താകെ കോവിഡ് ബാധിച്ച് മരിച്ചവരുടെ എണ്ണം 87,317 ആയി. 24 മണിക്കൂറിനുള്ളിൽ മാത്രം 5283 പേരാണ് മരിച്ചത്. യു.എസിൽ 1373 പേരും ബ്രിട്ടനിൽ 938 പേരും മരിച്ചു. ആഫ്രിക്കൻ രാജ്യങ്ങളിൽ രോഗികളുടെ എണ്ണം 10,000 കവിഞ്ഞു, മരണം 500 ആയി. സ്പെയിനിൽ തുടർച്ചയായ രണ്ടാം ദിവസവും മരണം കൂടി, 24 മണിക്കൂറിനിടെ 757 മരണം. ഫ്രാൻസിൽ മരണം 10,000 കവിഞ്ഞു. ഇറ്റലിയിൽ 542 പേർ കൂടി മരിച്ചു.
ചൊവ്വാഴ്ച മരണമില്ലാത്ത ദിവസം പിന്നിട്ട ചൈനയിൽ ബുധനാഴ്ച രണ്ടുപേർ മരിച്ചു. ലോകത്ത് ആകെ രോഗികളുടെ എണ്ണം 14,90,154 ആയി. അമേരിക്കയിൽ മാത്രം നാല് ലക്ഷത്തിലേറെ രോഗികളുണ്ട്.