ഇന്ത്യയിൽ കോവിഡ് വ്യാപനം വർദ്ധിക്കുന്നു. കഴിഞ്ഞ 24 മണിക്കൂറിൽ മാത്രം ഇന്ത്യയില്‍ 17,296 പേര്‍ക്ക് കോവിഡ് സ്ഥിരീകരിച്ചു. ഇതോടെ രാജ്യത്ത് രോഗം ബാധിച്ചവരുടെ ആകെ എണ്ണം 4,90,401 ആയി ഉയര്‍ന്നു. 1,89,463 പേരാണ് ചികില്‍സയിലുള്ളത്.
15,301 പേരാണ് രോഗം ബാധിച്ച്‌ മരിച്ചത്. രാജ്യത്തെ രോഗമുക്തി നിരക്ക് 58.24 ശതമാനമാണ്. മഹാരാഷ്ട്ര, ഡല്‍ഹി, തമിഴ്നാട്, ഗുജറാത്ത് തുടങ്ങിയ സംസ്ഥാനങ്ങളിലാണ് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്തത്.2,85,637 പേരാണ് രാജ്യത്ത് ആകെ രോഗമുക്തി നേടിയത്.
