തിരുവനന്തപുരം : എയർഇന്ത്യ എക്സ്പ്രസ് ഗൾഫിലേക്ക് കാർഗോ സർവിസ് ആരംഭിച്ചു. കൊച്ചി, കോഴിക്കോട്, തിരുവനന്തപുരം, മുംബൈ വിമാനത്താവളങ്ങളിൽനിന്നാണ് എയർഇന്ത്യ എക്സ്പ്രസ് വിമാനങ്ങൾ പച്ചക്കറിയും പഴവർഗങ്ങളുമായി പോകുന്നത്. ചൊവ്വാഴ്ച കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളിൽ നിന്ന് ഷാർജയിലേക്ക് ഓരോ സർവിസ് നടത്തി. കോഴിക്കോട്ടുനിന്ന് കുവൈത്തിലേക്ക് പച്ചക്കറിയും പഴവർഗങ്ങളുമായി മറ്റൊരു സർവിസും നടത്തി. ഓരോ വിമാനത്തിലും 15 ടണ്ണോളം പച്ചക്കറിയും പഴവർഗങ്ങളുമാണ് കയറ്റിക്കൊണ്ടുപോകുന്നത്.