കുവൈത്ത് സിറ്റി: കുവൈത്തിൽ സ്വകാര്യ സ്കൂളുകൾക്ക് ഓൺലൈൻ ക്ലാസുകൾ നടത്താൻ വിദ്യാഭ്യാസ മന്ത്രാലയം അനുമതി നൽകി. ഏഴ്മാസത്തോളം രാജ്യത്തെ വിദ്യാഭ്യാസ മേഖല സ്തംഭിക്കുന്നത് ഒഴിവാക്കാനാണ് ഓൺലൈൻ ക്ലാസുകൾക്ക് അനുമതി നൽകിയത്.
നേരത്തെ ഒാൺലൈൻ ക്ലാസുകൾ നടത്താൻ പാടില്ലെന്ന് വ്യക്തമാക്കിയിരുന്ന മന്ത്രാലയം ഉത്തരവ് ലംഘിച്ചാൽ ശക്തമായ നടപടിയെടുക്കുമെന്നും മുന്നറിയിപ്പ് നൽകിയിരുന്നു. ഇൗ ഉത്തരവ് റദ്ദാക്കി. 12ാം ക്ലാസിന് ആഗസ്റ്റ് നാലിനും ഒന്നുമുതൽ 11 വരെ ക്ലാസുകൾക്ക് ഒക്ടോബർ നാലിനുമാണ് സ്കൂൾ തുറക്കുന്നത്.