മുംബയിലെ വീടിനോട് ചേര്ന്നുള്ള നാലുനില ഓഫീസ് കെട്ടിടം ക്വാറന്റൈനില് കഴിയുന്നവരെ പാര്പ്പിക്കാന് വിട്ടുകൊടുത്ത് ബോളിവുഡ് നടന് ഷാരൂഖ് ഖാനും ഭാര്യ ഗൗരിയും. ഇരുവരുടെയും പേഴ്സണല് ഓഫീസാണിത്.
കുട്ടികള്ക്കും സ്ത്രീകള്ക്കും വയോധികര്ക്കും താമസിക്കാനുള്ള സൗകര്യങ്ങള് ഇവിടെ ഒരുക്കിയിട്ടുണ്ട്. ഷാരൂഖിനും ഭാര്യയ്ക്കും നന്ദി അറിയിച്ച് ബ്രിഹാന് മുംബയ് മുനിസിപ്പല് കോര്പറേഷന് ട്വീറ്റ് ചെയ്തു. ഷാരൂഖ് ഖാന്റെ നിര്മ്മാണ കമ്ബനിയായ റെഡ് ചില്ലീസ് എന്റര്ടെയിന്മെന്റ് ഇത് റീട്വീറ്റ് ചെയ്തു. നിമിഷങ്ങള്ക്കകം SRKOfficeForQuarantine ഹാഷ്ടാഗ് ട്വിറ്ററില് ട്രെന്ഡിംഗായി.
കൊവിഡ് ബാധ രാജ്യത്ത് പടര്ന്നുപിടിച്ചപ്പോള് തന്നെ കേന്ദ്ര സര്ക്കാരിന്റെയും മഹാരാഷ്ട്ര സര്ക്കാരിന്റെയും വിവിധ ദുരിതാശ്വാസ നിധികളിലേക്ക് ഷാരൂഖ് ഖാന് സംഭാവന നല്കിയിരുന്നു. കൂടാതെ മഹാരാഷ്ട്ര, പശ്ചിമബംഗാള് സര്ക്കാരുകള്ക്ക് 50,000 പി.പി.ഇ കിറ്റുകള് സംഭാവന ചെയ്യുകയും ഭക്ഷണവിതരണം നടത്തുകയും ചെയ്തിരുന്നു. ഇതോടെ കൊവിഡ് സഹായഹസ്തവുമായി ബോളിവുഡ് ഒന്നാകെ രംഗത്തിറങ്ങിയിരിക്കുകയാണ്