ഇന്ത്യ-ചൈന അതിർത്തിയിൽ സംഭവിക്കുന്ന കാര്യങ്ങളിൽ വ്യക്തത നൽകാതെ സർക്കാർ. സംഘര്ഷ പ്രദേശങ്ങളില് നിന്ന് ചൈനീസ് സേന പിന്മാറിയോ എന്ന ചോദ്യത്തിന് കേന്ദ്ര സര്ക്കാര് ഇനിയും മറുപടി നല്കിയില്ല. ചൈന ഇന്ത്യന് പ്രദേശത്ത് കടന്നുകയറിയെന്ന വാര്ത്തകള്ക്കുശേഷം പിന്മാറിയെന്നു പറയാന് ചൈനയും ഇന്ത്യയും ഇതുവരേക്കും തയാറായിട്ടില്ല.
സംഘര്ഷ പ്രദേശങ്ങളില്നിന്ന് ഇന്ത്യന്, ചൈനീസ് സൈന്യങ്ങള് പഴയ സ്ഥിതിയിലേക്ക് പിന്മാറിയോ എന്ന ചോദ്യത്തോട്, വ്യാഴാഴ്ച മാധ്യമങ്ങളോട് സംസാരിച്ച കേന്ദ്ര വിദേശ മന്ത്രാലയ വക്താവ് അനുരാഗ് ശ്രീവാസ്തവും പ്രതികരിച്ചില്ല. എന്നാൽ എത്രയും വേഗം പ്രശ്നത്തിന് പരിഹാരം കാണണമെന്ന് ഇരുകൂട്ടരും സമ്മതിച്ചതായി അനുരാഗ് ശ്രീവാസ്തവ പറഞ്ഞു